مطعمك بجيبك.
الركين Go — تطبيق المالك. مبيعات اليوم، الطلبات المفتوحة، والتقارير بيدك وأنت برّا المحل.
قراءة فقط — التطبيق ما يغيّر ولا شي بالكاشير.
الصادر والوارد
أعلى الأصناف اليوم
رسم توضيحي لواجهة التطبيق — الأرقام والأسماء نموذجية.
تفتح التطبيق — وتعرف وين واصل اليوم.
مبيعات اليوم، الطلبات المفتوحة، متوسط الفاتورة، والصادر والوارد من الصندوق — كلها بشاشة وحدة. وترتيب الأصناف يكلك شنو اللي ماشي وشنو واقف، بلا ما تدق على أحد.
- الحساب على يوم العمل مو على منتصف الليل — بيعة الساعة ٢ بالليل تظل محسوبة على ليلة أمس
- يحدّث نفسه كل دقيقة، وتسحب للتحديث وقت ما تريد
- فرع لحاله أو كل الفروع مع بعض — من نفس الحساب
مدى التاريخ بيدك — والفروع وجهًا لوجه.
اليوم، أمس، آخر ٧ أيام، هذا الشهر، أو مدى تختاره أنت. ونفس الشاشة تكلك أي فرع سابق الثاني بنفس المدى — بلا ما تجمع أرقام بيدك ولا تنطر تقرير من أحد.
- مقارنة الفروع بنفس المدى — مو كل فرع بتقرير براسه
- ترتيب الأصناف يتغيّر مع المدى — تشوف الموسمي من الثابت
- كل المدَيات محسوبة على يوم العمل نفسه اللي يشتغل بيه الكاشير
بدّل المدى بنفسك — الأرقام نموذجية.
مقارنة الفروع
ترتيب الأصناف
أي طلب — تضغط عليه وتشوفه كامل.
الطلبات المفتوحة تظهر لحظة بلحظة: صالة، سفري، وتوصيل. تضغط على أي واحد منها، تنفتحلك ورقة الطلب كاملة — كل صنف وكميته وسعره، ورسوم التوصيل، والكاشير اللي فتح الطلب ووكتها.
- فواتير الطاولة الوحدة تظهر بحروفها — A وB — مو مخلوطة ببعض
- تتابع الطلب وأنت برّا المحل، والكاشير يكمّل شغله بلا ما ينقطع عليه شي
- ما بيه ولا زر يعدّل أو يلغي — التطبيق يقرأ بس
اضغط على أي طلب حتى تشوف ورقته
ورقة الطلب داخل التطبيق — بلا أزرار تعديل، قراءة فقط.
انسدّ شفت وبيه فرق؟ يوصلك تنبيه.
أنت تحدد الحد اللي يزعجك. إذا انسدّ شفت وفرق الصندوق أكبر من هذا الحد، أو انسدّت فاتورة كبيرة غير اعتيادية — يطلعلك تنبيه بالتطبيق، بالفرع والوكت والمبلغ. ما تنطر آخر الشهر حتى تعرف.
- كل تنبيه معلّم بفرعه ودرجته — تعرف من أول نظرة شنو يستاهل مكالمة
- الجرس يحمل عدد اللي ما قريته، وتعلّم الكل كمقروء بضغطة
- التنبيهات تشتغل داخل التطبيق هسه — وإشعارات التلفون تجي وياه لما ينزل على المتاجر
التنبيهات تعليم الكل كمقروء
وين ما تكون — مطعمك قدامك.
التطبيق ما يحتاج يكون بشبكة المحل ولا بنفس المدينة. الكاشير عندك هو الأصل: يبيع بإنترنت وبدون، ويرفع كل شي للسحابة أول ما يرجع النت — والتطبيق يقرأ من السحابة، من أي مكان.
النت ينقطع بالمحل والبيع يكمّل — والأرقام توصل التطبيق أول ما يرجع.
تبدّل بين الفروع من نفس الشاشة، وتشوفهم مجموعين أو كل واحد لحاله.
ما بيه ولا زر يعدّل سعر أو يلغي فاتورة. تلفونك ما يصير باب خلفي على الكاشير.
نفس الاشتراك اللي يفتح كاشير المتصفح والمنيو الإلكتروني. ورخصة الجهاز بمحلك تبقى شغّالة أوفلاين مهما صار.
جواب مباشر، بلا لف.
التطبيق جاهز وشغّال، وحساباتنا على App Store وGoogle Play قيد التسجيل. لحد ما ينزل عليهم، نركّبه إلك مباشرة على تلفونك ونربطه بحسابك — راسلنا واتساب ونمشّيها وياك.
لا. الركين Go قراءة فقط: يعرض ولا يعدّل. ما بيه زر يغيّر سعر ولا يلغي فاتورة ولا يفتح شفت. المحاسبة تظل بالكاشير عند الموظف المخوّل، والتطبيق نافذة تشوف منها بس.
تشوف آخر أرقام وصلت قبل الانقطاع. الكاشير بمحلك يكمّل بيع وطباعة وهو مفصول تمامًا، وأول ما يرجع النت يرفع كل اللي انباع — وترجع الأرقام كاملة بالتطبيق.
إي — Go يمشي مع الاشتراك السحابي، نفس الاشتراك اللي يفتح كاشير المتصفح والمنيو الإلكتروني والنسخ الاحتياطي. ورخصة الجهاز اللي بمحلك شي منفصل: تظل تبيع أوفلاين حتى لو وقف الاشتراك. راسلنا واتساب ونضبطلك اللي يناسب حجم محلك.
التطبيق جاهز — ونزوله على المتاجر قريب.
إذا تريده من هسه، سجّل اهتمامك بواتساب: نركّبه إلك على تلفونك، نربطه بحسابك وفروعك، ونخبرك أول ما ينزل على المتاجر.
التجهيز والربط عندك بالمحل · بغداد وباقي المحافظات